歌手黄贯中(Paul)系圈中出名嘅“爱妻号”,最近老婆朱茵接拍网络游戏代言活动,广告中佢仲扮番廿一年前喺电影《西游记大结局之仙履奇缘》嘅紫霞仙子造型,手上挂住一串“啷啷”,仲拎住把宝剑,真系回忆都返晒嚟!虽然相隔廿一年,但朱茵再次着起紫霞仙子嘅戏服都依然咁靓,阿Paul当然post出嚟同大家开心share,佢仲话:“美成这样,你老公心脏快受不了,练琴去…”阿Paul把口咁甜,唔知朱茵会点样奖励佢呢?